Cemiterio de Román

Unha das mostras máis espectaculares da arquitectura popular na terra chá son os denominados cemiterios neogóticos, construidos polos canteiros de Román ao longo do século XX que, como era lóxico deixaron na súa parroquia o máis completo e mellor elaborado da comarca.

O meu agradecemento ao cura de Román: D. Ramiro. pola súa pacencia e amabilidade así como pola valiosa información que me proporcionóu.
Fotos: Moncho Vivero

O San Alberte

Preto da estrada N VI, a altura do km 531, despois de cruzar a ponte medieval sobre o río Parga chegamos a capela do San Alberte, no camiño norte ao seu paso pola parroquia de Sambreixo, no concello de Guitiriz.
Ésta capela de estilo gótico feita con sillares de cantería nos que se poden apreciar numerosas marcas de canteiro conta con oito contrafortes, así como varios canzorros lisos e figurados, unha porta lateral de arco lixeiramente apuntado e unha fiestra oxival na súa cabeceira.
A poucos metros da capela atopamos unha fonte que según o decir popular e milagreira para os problemas da fala.

Fotos: Moncho Vivero.

Ferramulín

O progresivo abandono do campo galego fai que lugares bén fermosos como é o caso de Ferramulín, na serra do Courel, a beira do río Selmo vaian quedando despoboados, perdéndose desta maneira parte do noso rico patrimonio debido as duras condicións da vida no rural galego, especialmente nos lugares de alta montaña, así como a deixadez das administracións que non poñen ningún interese en facilitar a vida dos poucos habitantes que aínda quedan, en reparar infraestructuras (estradas...), en facer plans de rehabilitación, etc.
Fotos: Moncho Vivero

Hórreos, cabazos, cabaceiros, canastros, cabaceiras, espigueiros, cabozos...

Os hórreos, construciós "agrarias" que se estenden por todo o norte da península, son especialmente abundantes en Galicia e no norte de Portugal. A súa función era preservar as colleitas da humidade e dos ratos, para o que se facían elevados do chan por medio de pés ou bases macizas de pedra.

Aínda que existen algunhos exemplares de forma cuadrada, os hórreos galegos son na súa gran maioría de planta rectangular e denominanse de diferente maneira en cada zona, polo que temos unha gran cantidade de nomes distintos que poder utilizar: cabazo, cabaceiro, canastro, cabozo, espigueiro, cabaceira...
Fotos: Moncho Vivero