Un dos munumentos máis emblemáticos da comarca do Salnés son as ruinas da igrexa gótica do século XVI de santa Mariña do Dozo; situadas na parte alta da vila de Cambados, foron declaradas monumento histórico artístico no ano 1943. Hoxe en día o cemiterio parroquial ocupa o adro así como o seu interior, no que se atopa soterrado moi preto do altar Joaquín Mª del Valle Inclán, o primeiro fillo varón de don Ramón Mª del Valle Inclán, finado no 1914 aos catro meses de idade. 
A derradeira parte do percorrido achéganos ao mosteiro cisterciense de Santa María de Armenteira, aínda habitado actualmente por unha comunidade de monxas, que se atopa en moi bó estado de conservación. 
As vellas construccións fundense de novo coa natureza. 
Seguimos a nosa viaxe pola provincia de Pontevedra na comarca do Salnés, e atopamos a ruta da pedra e da auga entre os concellos de Meis e Ribadumia. 
Situado no concello de Barro (provincia de Pontevedra), un lugar para pasar unha tarde relaxada, disfrutando das numerosas fervenzas e muiños (algunhos deles restaurados) dun percorrido con pouca dificultade a beira do río Barosa, que fará que a nosa imaxinación nos traslade no tempo unhas décadas atrás, cando había no lugar unha intensa actividade. 
